نئچه ایل ائتمیشم عشقی بو سینمده نهان ای گول
اودورکی لاله یه بنزر،من اولدوم باغری قان ای گول
فراقیندان قراریم یوخ داها،جان هیجره اودلاشدی
گؤرورسن«گَنجفَه*مثلی اولوب صد پاره»جان ای گول
سبب بیلمم نه اولدو کی منی ترک ائیله دین گئتدین
جفای خار هیجراندان کؤنول ائیلر فغان ای گول
نچون ترک ائیله دین بیلمم باهار وقتی گولوستانی
منه ایندی تیکانلیقلار اولوبدور آشیان ای گول
اوقدری چکمیشم حسرت،بوکولموش قامتیم ایندی
اولوبدور قاشلارون مثلی منیم قددیم کامان ای گول
دوروب هر آن کناریندا چکردیم نازینی هر دم
کی هئچ کیمسه سنه اولماز منیم تک باغبان ای گول
اوقدری آه و زار ائتدیم چیخیب افلاکه افغانیم
توکر خون جگر چشمیم اولار هر دم روان ای گول
نه اوممید وصالیم وار نه ده طاقت بو هیجرانه
اولونجا مبتلا هیجره چیخایدی کاش بو جان ای گول
باهار فصلی گولوستاندا سوسوب خوش نغمه لر دیلده
سراسیمه قالوب (آذر)چکر آه الامان ای گول
آذراوغلو ۱۳۹۳/۱۲/۱۵
******************************************
گَنجَفَه: واراق اُویونلاریندان بیری دی .بو اُویون صفوی لَر زامانی اختراع اُولونوب. میرغیاث الدین شیرازی آدلی بیر نفر اُونو فرنگی واراق اُویونلاریندان اقتباس ائدیب و دؤزلدیب.بؤیوک شاه عباس زامانی چوخ معروف بیر اُویونوموش.بو اُویونون 96 واراقی اُولارمش
ترکی آذربایجانی
تورکجه شعرلر
حکایت لر
اعضای انجمن(160)
Azaroghloo )
خانه
مطالب(9)
دوستان (3)
گالری تصاویر (0)
کلیپها (0)
نظرسنجی (0)
چگونگی درج آگهی در سایت و قسمت تبلیغات
سایت و اپلیکیشن آموزش زبان انگلیسی urg.ir
تلگرام 
فیسبوک
تویتر