اینسان اؤل اینسان

«یازیقلاری یارادان تانرینین آدیله»

          «اینسان اؤل اینسان»

چوخلاری اوزلرینه دوکان آچیب میلته جینس وئرمیر آما میلت یالوارا یالوار اونلارا پول وئریرلر دای فیکیرلشمیرلر کی بیز بو پولو نئیچون وئریک،آلاهدان پول ایسترلر داهی آلاها پول وئرمزلر،

آلاه هئچ بیر یئرده یازمایب من جاهجالالی سئویرم،آلاه دئیر من ساده‌لیگی سئویرم،آلاه دئیر من وارام بس نئیچون منیم یالانچی نماینده‌لریمه یالواریرسیز،بیر شخص دانیشیقلارین بیرین ده دئیر دئیلنه گوره کیچیک بیر گوناه ائیشلدسن او دونیادا چوخ بویوک عذابلار وئریلر،بس اوندا او آلاه جلادی او آلاه رحمسیزدیر،بس باغیشلیان چوخ بویوک آلاه هاردا؟

هرکیم یئتیریر بیر فتوا وئریر،بعضی آخماق اینسانلاردا تئز اینانیر،دای عاغلینا سالیب چیخارمیرکی دونیا یانی نه،ائله فیکیرلشیر دونیا یانی ائله یئر کوره‌سی،دای فیکیرلشمیر اشی یئر کوره‌سی دونیانین کیچیک سیاره ‌لرینن بیریدیر دونیا اوقد بویوکدور کی یئر کوره‌سی هئچ گورسنمیر،اوقدر سیاره‌لر وار،هله هئچ بیر گوج اولدوزا چاتا بیلمیب دئیلنلره گوره أن کیچیک بیر اولدوز بیز یاشادیغیمیز یئر کوره‌سینن بویوکدور یعنی فیکیرلشین بیز گؤیده باخدیمیز همن اولدوز یاشادیغیمیز دونیادان چوخ بویوکدور یعنی یئر کوره‌سینن چوله چیخانان سونرا باشکا بیر دونیا وار باشکا بیر یارانیش وار، آما چوخلاری بونلاری بیلسه‌ده یئنه ده موندار ائیشلر گورورلر،اوزلرینن گوجسوزو آیاغلایرلار، یتیم حاقی مظلوم حاقی تاپدایرلار،بعضی‌لری دئیرلرکی کیشیدیلر،حیف کیشی سوزونه کی هر ناکیشی دئیر کیشی هر شرفسیز دئیر منده کیشیم،حیف اولسون حیف،بعضیلری بئله فیکیرلشیرکی غرورلو منیتلی اولسا اوندا شهرت قازانار حورمت قازانار یوخ ائله دئیل حورمتی او اینسان قازانار کی خالقین دیلیله دانیشا،ساده اینسان اولا،

همن شخصلر کی اؤزلرینی بویوک اینسان سانیرلار، وطن کولگه سی آلتیندا تبلیغات ائدیرلرمشهور اولسونلار ،منیم گوزومده هئچ اینسان دئیلر من چوبانین قارشیسیندا باش ائیرم آما اونلارین اوزلرینه‌ده توپورمرم.

چوخ باشینیزی آغریتمایم،دای بیر میلت کی اوشاغا سویوق دئینده گئدیر مولا باباسی دوعا یازا،یا دونیایا بیر اوشاغ گلنده اوستونن بیر دوعا آدلانان بیر اوچ بوجاغلی شئی آسیرلار،داهی او میلتدن نه گوزلمک اولار فرهنگ؟ تمدون؟دوشونجه؟

همن اینسانلار کی یانلیز اؤزلرینی گورورلر،همن اینسانلار کی ایکی سوز بیلمکله باشکالارینا یوخاریدان آشاغا باخیرلار،همن اینسانلار کی منیت غرور ایچینده ایتیبلر،همن اینسانلار کی باشکالارینین اوغورو اونلارین گوزونه شیش کیمی باتیر،

همن گوجسوز اینسانلار،هئچ نه اینسانلار،البت اگر اینسان دئمک اولسا

حورمتلی دیلداشلار من بعضیلری کیمین تشریفاتی یازماغی باشارمیرام منیم ساوادیم بورا قدر چاتیر.مینتدارام

هرکیمین هرسوروسو تنقیدی اولسا بویورسون من فیلان کسلر کیمی منیتیمه یالانچی غرورما باتمامیشام هله ساغام،

کیشی گرک غرورلو اولا آما یئریندن

«آی یازیق بیرقاریج ائنیندن سویوق یئرده بیر نئچه متر آغ پارچایا بوکوب،ایکی متر توپراغ آلتیندا قاریشقالارا یئم اولاجاقسان،آخی ندن؟اؤزونن سوروش ندن؟ هله گئج دئیل گَل اینسان اول اینسان»

یازان قارتال قاراباغلی

2017

7 mart

qartal1994@